لطالما كرهت منتهى الأشياء.. و رقصت دوما على السلالم ؛ لألا تفقد المعاني مرادفاتها

إستحواذ

شىء عجيب جدا أنت تقعد تحارب فى الإستعمار أكتر من نص قرن … و لما تتخلص منه … تلاقى الإستحواذ …. مفهوم الإستحواذ … ايه أنا قولت مفهوم … ا … ا….  بسيطة الإستحواذ أن يكون فى سيطرة خارجية على دماغك …. يعنى ايه … يعنى زى ما حاصل دلوقتى …
باختصار …. اثبتلى أنك عربى … هفترض أنك ماشى من غير بطاقة …


أنت هتلاقى فى الشارع واحد …لسة مامته شداه جامد من شعره … و واحد صاحبه سهاه و وقعله البنطلون …. و هتلاقى ماشى يا عينى عليه …
ماشية يعنى …. ماشية لا تليق … يعنى … مش مهم ….
و البنت القمورة أم عيون زرق و جيبة يعنى قصيرة سنى بس يا جماعة …
و شعرها منفوش زى ريش ديك لسة طالع من خناقة مع فرخة …
و ماشية ماشية لا تليق بفتاة يعنى محترمة على الأقل .
طبعا هتقولوا و ايه دخل ده بالإستحواذ سيادتك … و لا هو سلق بيض و خلاص ؟؟
بالعكس … ده مظهر من مظاهر الاستحواذ … استحواذ الغرب على عقول الشباب العربى … بنحاول دايما نكون زيهم بأى شكل … بأى وسيلة …
المهم أن احنا بس منبقاش متخلفين …. معلش إذا سمحتم … هو ده التخلف بعينه ….أنتم حاولتم تقلدوا … ما حاولتوش أنكم تبقوا  عرب أو حتى مسلمين بفكركم أنتم …. حاولنا أن احنا نبقى  زيهم …. فتولدت صورة ممسوخة بشعة …. و ده أقل ما يقال ….
حاولنا نكون هم  ماحولناش نكون احنا … ما حولناش حتى يبقى عندنا شىء بتاعنا احنا … و كأن الغرب دول ملكوا العالم …
تناسينا أن احنا شعوب مسلم أو حتى شرقى …
و لما تيجوا تقلدوا يا ريت بتقلدوا الحاجة العدلة …. ده أنتم بتخدوا المظهر … و تنسوا أن اللى مخليهم دايما فى المقدمة  ….. الجوهر ….
بعيدا عن أخلاق الغرب … اللى لا تليق بمن هم مثلنا أهم شىء يملكونه …
هو أنهم يعرفون اذا يريدون … يعرفون سبل تحقيقه ….
انهم يصنعون الأهداف و يمشون تجاهها بخطى ثابتة ….
مش  احنا … اللى قليل قوى أنك تلاقى حد عنده هدف… أو حتى مبدأ …
ناس بتتولد و تعيش للحظة …
و ثانى أهم شئ فى الغرب إتقان العمل …
و لا دى كلمة غريبة عليكم …. نزعناها من قواميس لغتنا … مثلا ممكن نقول فحت أو طحن أو أى كلمة تثير الاشمئزاز فى النفوس …
و رغم أن الإستحواذ خطره أكبر من الإستعمار إلا أنك عشان تتخلص منه أسهل بكتير … لأن السبب فى الأستحواذ نابع من شعور بالنقص من عند الشباب    ( بعضهم يعنى لو حد شايف أنه تنطبق عليه الصفات فى أعلاه ) …
معلش يا جماعة … أنا مش عارفة إذا كانت دى صراحة و لا وقاحة ….
بس اللى متأكدة منه أنها واقعية …. و ده كافى جدا … فى إحتمال نفوق …
من الآخر لو أنت اتخلصت من التفاهات اللى مالية دماغنا … و من أن التانيين دايما أحسن منا … ممكن ساعتها ميبقاش فى إستحواذ على عقول الدجاج …. معذرة أقصد على عقول الشباب ….

Advertisements

10 تعليقات

  1. رائع يا أختي فكرتيني بقصة لعزيز نسيم كتبها أخي (( أحمد بكداش) هنا:
    http://abakdash.com/ab/2005/07/24/monky/

    بالأضافة الي الكلمات التي تكون مكتوبة علي التير شيرتات وعلامات playboy كما كتبت سابقا هنا:
    http://www.abekdash.com/wp/?p=156

    للآسف أصبحنا بلا هوية..

    تحياتي

    يونيو 4, 2008 عند 7:21 ص

  2. mo3anah

    و الله كنت لسه بفكر في كتابة الموضوع ده ..

    و ما الذي سبب هذا الأستحواذ ؟؟ هو الأعلام الأجنبي عامة سواء كنت غربي او شمالي ..
    و المشكله ان العرب نفسهم بيصدقوا هذا الأستحواذ ..
    و المظاهر التي ذكرتيها صحيحه و هناك مظاهر اخري مثل *اعمال ارهابيه و سرقه لازم بيكونوا عرب* …

    حسبي الله و نعم الوكيل في الأعلام المستحوذ علي عقول العرب

    يونيو 4, 2008 عند 7:46 ص

  3. mo3anah ::.
    ========
    ضع رابط مدونتك في الـ Profile..

    تحياتي

    يونيو 4, 2008 عند 8:46 ص

  4. max13

    كلامك صح احنا مش فالحين إلا في التقليد في الأمور التافهه يا ريت لو بنقلد الغرب بقوانينوا الاجتماعيه الي على فكرة أغلبها مقتبس من الاسلام وتنظيمو واتقانو لعملو ……و…و..و.
    الموضوع يطول وباختصار نحنا وبرأي مازلنا تحت نير الاستعمار الفكري والاجتماعي وبدنا كتير حتى ننال حريتنا

    يونيو 4, 2008 عند 8:49 ص

  5. مقال ممتاز مع عاميته التي أعطته رونق خاص به
    لنأتي على النقاط التي طرحها :
    واضح أن مظاهر تقليد الغرب في ازدياد لأن اعلامنا أصبح اعلام غربي مدبلج لا أكثر … يعني هذا أن الشباب الذين تتكلمين عنهم لن يستمعوا لأي شخص يقول كلامك والسبب أن ثقافتنا القومية لا وجود لها ولا أحد يقرأ ولا أحد يعرف أي شيء بشكل واضح وهم لا يرون إلا ام بي سي وروتانا موسيقى وفي الليل يشاهدون نور وسنوات الضياع …. ماذا تتوقعين من هكذا جيل ….. الحل الوحيد هو اعادة الترويج لقيمنا الماضية من دون هذا التشويه المريع الذي يحدث لها ….. هم ينظرون للاسلام على أنه معتقل أرضي كبير …. والسبب هو أنه لا أحد يعلم الناس الاسلام الحقيقي وأكثرهم معتقداتهم الاسلامية مشوهة هي الأخرى ….. و فوق ذلك لا يوجد عندنا مثل أعلى نثق به ونسمع لكلامه … سيدنا محمد عليه الصلاة والسلام مثل أعلى … ولكنهم يعتبرونه انسان من زمن له ثقافة لا تمت لنا بصلة ….. ضعف في الدين وضعف في الثقافة وضعف في الأخلاق إلا من رحم ربي … صورة قاتمة .. أليس كذلك .. وما الحل …. هناك حلول كثيرة ولكن ليس هناك من يطبقها ….
    سلامي لك

    يونيو 4, 2008 عند 8:55 ص

  6. الساحرة الصغيرة

    أخى أحمد …
    قرأت القصة التى كتبها أحمد بكداش … و ببساطة شديدة الفكرة التى وصلتنى هو أن من كثرة تقليدنا للغرب قد صرنا أشبه بالقردة … و لو أن القردة لا لوم كبير عليهم إذا قلدوا البشر لأنهم مجرد حيوانات لا عقل لها … أما أن يصير الإنسان صاحب العقل مثل القردة … فهذا شىء مثير للشفقة …. 😦
    أما بالنسبة لموضوع مدونتك … فلا يسعنى إلا أن أقول أن إلى جانب التقليد الأعمى ، هناك أيضا الجهل ….
    شكرا لك أخى على تلك المواضيع ….
    لك تحياتى …

    يونيو 5, 2008 عند 4:10 م

  7. الساحرة الصغيرة

    أخى إيهاب … يا ريت تكتب الموضوع ده بسرعة …. يمكن لو تناولت الفكرة صارت أشبه بعدة أفكار قد نصل منها إلى سبب و حل ….
    ***************************
    الغرب بيسمونا العالم ال3 … يمكن هم وصلهم الإحساس ده من أحساسنا احنا بالنقص و تقليدنا الدائم لهم … سواء الإعلام الغربى أو الإعلام العربى … فى كل حاجة فى الدنيا فى الكويس و فى الفاسد … دى أزمة أمة بحالها ….
    شكرا لك يا إيهاب …
    تحياتى

    يونيو 5, 2008 عند 4:18 م

  8. الساحرة الصغيرة

    أخى محمد … نعم معظم عادات الغرب الحسنة هى من أخلاق المسلمين … و هذا على لسانهم شخصيا … قرأت عن الكاتب الأمريكى ( مايكل مورجان ) الذى كتب كتاب يدافع فيه عن الإسلام و يقول أن الإنجازات الفكرية و الثقافية للمسلمين مثار غيرة و حسد فى نفوس الغرب …
    و نحن المسلمون نتركم يتقدمون بأخلاقنا و نأخذ منهم أفسد الأخلاق …
    ننال حريتنا … لكن امتى ؟
    شكرا لك أخى و تحياتى لك …

    يونيو 5, 2008 عند 4:34 م

  9. الساحرة الصغيرة

    أخى عطالله … مرحبا بك …
    أشكرك أخى …
    و الله أنا بجانب إعلام الغرب المدبلج أرى إعلام عربى هادف يريد أن يصل إلى الحقائق .. لكن من يشاهده … بالتأكيد ليس الشباب ، لأن هذا لإعلام طريقته و طرحه لا يناسب إحتياجات الشباب ..
    و لكنى أراه إعلام مفيد و هادف …
    أكثر ما أكرهه هو عدم فهم الإسلام على حقه إما من يفهمونه على أنه قيد كبير أو لا يفهمونه من أساسه …
    و ضعف فى الإرادة و الإيمان بالله سبحانه و تعالى … لأننا لو أردنا أىمنا بالله و بمقدرتنا و بنصر الله … لكنا فى المقدمة دائما … يكفى أننا نملك الإسلام …
    شكرا لمشاركتك أخى و تحياتى لك …
    تحياتى للجميع ..

    يونيو 5, 2008 عند 4:43 م

  10. التنبيهات: سيطروا علي عقول العرب و الأجانب « ♣مدونة معاناة المصريين♣

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s