لطالما كرهت منتهى الأشياء.. و رقصت دوما على السلالم ؛ لألا تفقد المعاني مرادفاتها

رباعيات جاهين

عدت اليوم لكن ليس وحدي .. جئت و معي كلمات عظيمة .. رائعة لعمنا … عمنا جميعا ( صلاح جاهين ) … ملك الشعر العامي بلا منازع … و لو أن كلامي عنه يخجلني لأنه لا يساوي شيئا و لو ضئيلا من عظمته و روعة تعبيره …

أرجو أن تستمتعوا بما جلبت لكم اليوم …

*****

 


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
***
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
***
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
***
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
***
يا باب يا مقفول … إمتي الدخول
صبرت ياما و اللي يصبر ينول
دقيت سنين … و الرد يرجع لي : مين ؟
لو كنت عارف مين أنا كنت أقول
عجبي !!!
***
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!
***
سهير ليالي و ياما لفيت و طفت
و ف ليه راجع في الضلام قمت شفت
الخوف … كأنه كلب سد الطريق
و كنت عاوز أقتله .. بس خفت
عجبي !!
***
كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!
***
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
***
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!
***
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
***
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
***
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
***
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ….. والا اتقتلت
عجبي !!
***
انا كل يوم أسمع …….. فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
***
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
***
يا طير يا عالي في السما طظ فيك
ماتفتكرشي ربنا مصطفيك
برضك بتاكل دود و للطين تعود
تمص فيه يا حلو و يمص فيك
عجبي
***
ياللي أنت بيتك من قش مفروش بريش
تقوى عليه الريح . يصبح مفيش
عجبي عليك حواليك مخالب كبار
و مالكش غير منقار و قادر تعيش
عجبي !
***
غمست سنك في السواد يا قلم
علشان ما تكتب شعر يقطر ألم
مالك جرالك ايه يا مجنون.. و ليه
رسمت وردة و بيت و قلب و علم
عجبي !
***
كم اشتغلت يا نيل في نحت الصخور
مليون بئونة و ألف  مليون هاتور
يا نيل أنا ابن حلال و من خلفتك
و ليه صعيبه علي بس الأمور
عجبي
***
منين أجيبها كلمة متألمة
لعيبة فايرة و حايرة و مصممة
منين أجيب كلمة تكون بنت أرض
تشفي اللي ما شفاهوش كلام السما
عجبي !!
***
لا تجبر الإنسان و لا تخيره
يكفيه مافيه من عقل بيحيره
اللي النهاردة بيطلبه و يشتهيه
هو اللي بكرة ح يشتهي يغيره
عجبي !!
***
لولا إختلاف االرأي يا محترم
لولا الزلتطن ما للوقود انضرم
و لولا فرعين ليف سوا مخاليف
كان بينا حبل الود كيف اتبرم ؟
عجبي
-***الضحك قال يا سم ع التكشير
أمشير و طوبة و انا ربيعي بشير
مطرح ما باظهر بانتصر على العدم
إنشااله أكون رسماية بالطباشير
عجبي !!
***
قالوا الشقيق بيمص دم الشقيق
و الناس مهياش ناس بحق و حقيق
قلبي رميته و جبت غيره حجر
داب الحجر … و رجعت قلبي رقيق
عجبي !!
Advertisements

12 تعليق

  1. جميل جدا !
    مع انها أول مره أراه او اسمع عنه ….

    تحياتي !

    يوليو 4, 2008 عند 9:49 ص

  2. برضة انا اول مره بسمع عنه … كلماته رائعه..
    يعطيك العافية ..

    يوليو 4, 2008 عند 1:05 م

  3. انا لا اعرفه لكن الكلام جميل جدا

    يوليو 4, 2008 عند 1:09 م

  4. ايه الكلام الكبير ده …! 🙂

    رائع والكلام جامد جداً .
    وأي حاجة لصلاح جاهين اكيد بتبقى جامدة جداً.

    الكلام جميل وربنا معاكي.

    يوليو 4, 2008 عند 2:32 م

  5. لا شك أنه شاعر رائع 🙂

    يوليو 4, 2008 عند 7:29 م

  6. أختى الكريمة : الساحرة الصغيرة
    السلام عليكم ورحمة الله وبركاته
    وحمداً لله على عودتك الطيبة

    وأحيى حسن اختيارك لهذه الرباعية
    التى حوت حكمت الحياة

    تقديرى واحترامى

    أخوك
    محمد

    يوليو 4, 2008 عند 9:07 م

  7. ملحوظة:
    لما فتحت ال homepage
    وجد ال sidbar مرمي تحت 😦

    تحياتي

    يوليو 4, 2008 عند 10:50 م

  8. max13

    رائعة 🙂

    يوليو 6, 2008 عند 7:56 ص

  9. شاعر الشعب ذلك البديع ذو الاحساس المرهف الصارخ الذي يشعرك أنك تقرأ كلمات نسجة من شغاف القلب …. ذلك الحزين الذي رثا وطناً بكل خلية من خلايا جسمه … وبكا هزيمة لم تكن مبررة بالمرة … وبقي يبكيها حتى رحل .
    في هذا الرابط مجموعة من الرباعيات المغناه من قبل المبدع علي الحجار الذي كان صوته متكامل بشدة معها
    http://www.alielhaggar.com/Arabic/Clips_ar.aspx
    ولكن لي ملاحظة : ملك الشعر الشعبي المصري هو الشاعر فؤاد حداد باجماع الأدباء وكان صلاح جاهين من تلامذته وعلى فكرة فؤاد حداد أصوله شامية وهذا لم يمنعه من نيل هذه المرتبة …. الله يرحم أيام زمان

    يوليو 6, 2008 عند 3:22 م

  10. aounitahech

    يذكرني بالشاعر أحمد فؤاد نجم. لكن في الواقع لست من محبي الشعر العامي لأن يختزل الكثير من الناس في الوطن العربي، عدا أنه يساهم في طمس اللغة العربية الفصحى و إستبعادها عن مجال الأدبي.

    فتحيا اللغة العربية الفصحى 🙂

    يوليو 9, 2008 عند 3:38 ص

  11. روعة اعجبني شعره كثيرا
    مؤلم لانه يذكرني بالواقع
    ولكنه جميل بلغته الرائعه
    وباسلوبه ..
    شكرا لك ساحرة .. اراك بخير

    يوليو 10, 2008 عند 2:40 م

  12. فعلا شعره جميل حقا .
    تحياتى لكى

    يوليو 18, 2008 عند 7:49 م

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s