لطالما كرهت منتهى الأشياء.. و رقصت دوما على السلالم ؛ لألا تفقد المعاني مرادفاتها

شيكا بيكا و بولوتيكا .. في جمهورية انتيكا ..

فليحفظ التاريخ هذا الحدث العظيم … هذه اللحظة .. هذه اللحظة العظيمة الخالدة التي أتوج نفسي فيها رئيسة جمهورية أنتيكا ..

جمهورية ديموقراطية إسلامية ليبرالية علمانية سيكولوجية فسيولوجية و فتحية  و حسنية ..  و ايه اللي جابني هنا .. مابلاش الأذية .. اليوم يوم و لا كل الأيام .. ساعة و لا كل الساعات ( ساعة سويسرية إنما ايه ! ) .. لحظة مش زي بقية اللحظات ..

جمهورية انتيكا ليها قواعدها و نظمها و ملامحها .. و اقسم ان أكون مخلصة ع الآخر لجمهورية تيكا .. و اريحلها دماغها .. و اظبطها و المعها و ادلعها ..

النشيد الوطني :

أنتيكا يلا يا  مزيكا .. ادلعي يلا على السيكا ..  و لا زيك 10 و لا 20 .. ملهومش غير الاستيكا ..

****

فترة حكمي البهية :

قرار ديكتاتوري رقم 1 :

ممنوع منعا باتا زراعة  أي خضروات  فيما  عدى الكوسة و البامية .. عشان أمورنا تمشي لازم كوسة   يوووه هو أنا لسه هفهمكم .. و البامية يعني ويكا .. يعني أحلى سلام على جمهورية  أنتيكا ..

قرار ديكتاتوري رقم 2 :

حسك عينك يا مواطن اشوف في ايدك سيجارة … كلها أنواع رديئة .. يعني لا أشوفك ماسك  Marldoro و لا LN .. إنشالله حتى Light مايلزمناش الكلام ده .. احنا عايزين شباب صحته كويسة ..  يعني كل شهر المواطن له حصته من الكودايين .. تعلجوا الكحة  اللي سببتها سجايركم القديمة و تروقوا الطاسة … تعدلوا دماغكم و متقلبوش دماغنا احنا ..

…… وصلنا ل 2987  قرار ديكتاتوري في أول قاعدة في مجلس اللعب ..

العهد بالوزارات للوزراء المستحقين :

قرار ديكتاتوري ( عدوا أنتم بقى ) :

1 – أعهد بوزارة الإتصالات ل بنت خالي العزيزة التي تبلغ من العمر 4 سنوات بحالهم و طبعا هي تستحقها و ستنهض بتلك الوزارة لأنها كلما رن أي هاتف تهرع لتجيب عليه ..

2- الخارجية لا أجد من يليق بها سوى زميلة صفي الدراسي العزيزة في مدرسة الجحيم الإعدادية بسبوسة .. ماشاء الله موسوعة حية في كل ما هو أجنبي ..  من أفلام و أغاني و رقصات  ..

3 – ابن خال بنت ابن عمتي بيروح يلعب كرة يوقف الملعب كله على رجل .. عشان كده هياخد الأوقاف ..

4 – طبعا لا ننسى سفيرنا في الصين ابن بنت عمكي البالغ من العمر عام … طبعا لأن كل كلامه صيني .. و مدشدش .. و مبيعرفش يقول غير اسمي أنا بس ..

5 – وزارة العدل لابن عمتي لأنه برج الميزان ..

6 -وزارة الزراعة هاديها لأولاد خالي .. آخر مرة كلمتهم قالولي انهم علموهم يزرعوا بصل و فول في المدرسة ..

7 – وزارة التكنولوجيا هيتم إفتتاحها مخصوص لابن خالتي .. افتكر مرة بوظلنا الأتاري ..

8 – المرور همسكها لابن  ابن عمتي .. جبناله لعبة عربيات كتير و لازم يعرف يتصرف ع الطبيعة قبل ما يلعب ..

طبعا مش هنسى البواب و البقال و الخياطة .. كلهم موصيني و أنا وعدتهم ..

انتيكا اتطورت و اتعمرت وو بعدين حالتها اتدهورت .. وقعت اتعورت ..

فاصل .. و ابقى قابلني لو نواصل …

😀

Advertisements

11 تعليق

  1. أحيى أسلوبك الساخر اللاذع

    أكتوبر 5, 2008 عند 7:05 م

  2. ههههههههههه
    ممكن أمسك هندسة الكباري لأني ماليش فيها نهائياً 🙂

    سكسكة 🙂 :
    http://www.abekdash.com/wp/?page_id=155

    صياغة رائعة
    تحياتي ومودتي

    أكتوبر 5, 2008 عند 7:39 م

  3. تحيا جمهورية أنتيكا ديموقراطية إسلامية ليبرالية علمانية سيكولوجية فسيولوجية و فتحية و حسنية

    أكتوبر 5, 2008 عند 8:01 م

  4. الساحرة الصغيرة

    السلام عليكم رحمة الله بركاته :
    أخي أستاذي محمد الجرايحي …
    أشكرك أستاذي على رأيك .. شكرا على مرورك العاطر أستاذي ..
    في أمان الله

    *****

    اخي أحمد نذير بكداش :

    طبعا أنا هلاقي أحسن منك للكباري فين ؟ 😀 ..و الله أنت جيت حليتلنا أزمة الكباري دي .. ماشي خلي بالك بقى كباري أنتيكا من غير سور الحارة مترين تمشي فيها العربيات اتجاهين .. طبعا متنساش تحوشلنا حبة حديد عشان نبنيلنا كام عمارة على كام مبنى .. 🙂
    يعني كفاية ان جمهوريتكم الموقرة كيكا جيران الهنا مع أنتيكا .. 😀
    شكرا لك أخي ..
    خالص تحياتي و سلامي

    *************

    أخي كتابات هندسية :
    أنت مواطن صالح جدا .. ربنا يكتر من أمثالك .. هنديك وسام المواطنة الأول مع وشاح أنتيكا .. 🙂

    أكتوبر 5, 2008 عند 11:13 م

  5. انا خدت وشاح أنتيكا

    يانهار ألوان يا جدعان

    مبروك لينا كلنا الوشاح

    🙂
    😀

    أكتوبر 6, 2008 عند 3:50 ص

  6. max13

    مممممممممممممممم
    مش معقولة مش لازمك سفير نوايا حسنة
    أصلي أنا بعرفها كتير للنوايا خصوصا الحسنة شوفي العراق مثلا
    يعني تبقي دبريلهالنا ما نحنا معرفة وامتداد دولتك الجغرافي لازم يشمل أراضينا برضو

    أكتوبر 6, 2008 عند 8:23 ص

  7. مبروك الحكم 🙂
    نتمني لك بلدا تمشي زي الفل 😀

    أكتوبر 6, 2008 عند 1:01 م

  8. محمدالليبي

    اكتر حاجه عجبتني فتحيه و حسنيه يا ريت لو وحده فيهم مش مرتبطه اتقوليلي عشان نتأنتك .. .. وفي طريقك يا ريت تشوفلنا شغلانا في انتيكا عشان نسترزق .. ياريت ما تنسيش.. ربنا يوفقك يا سياده الرئيسه..

    أكتوبر 6, 2008 عند 2:00 م

  9. خالص التحية لتلك الروح الساخرة
    معالجة الوقع بتهكم وفن

    ارجو متابعت في جمهورية كل شي ان كان
    عسي ان يحدث تحالف بين الدولتين

    تحياتى

    د/سامح اسماعيل

    أكتوبر 7, 2008 عند 2:15 م

  10. الساحرة الصغيرة

    أخي محمد ماكس :
    طبعا لازمني و لازني رئيس قانون دولي و وزير ثقافي و ووو .. إن شاء اللههناك المزيد من القرارات الديكتاتورية من اجل تلبية كل رغبات إخوتي و اخواتي .. في ديموقراطية أكتر من كده ؟!

    **********************
    أخي إيهاب :
    الله يبارك فيك .. عقبالك إن شاء الله .. لكن انسى تاخد مقعد حكمي 😀
    إن شاء الله يمشوا و ينبسطوا من قوانين انتيكا ..
    دمت بخير يا وزير التعليم .. مش أنت الحمدلله معاك إبتدائية ؟ 😀

    *********************
    أخي محمدد الليبي :
    خلاص أنا أسيب الحكم و أمور الدولة و أسألك على فتحية و حسنية .. :)..
    آه حلينا مشكلة الأنتكة نحل أزمة البطالة .. تأمر أخي لكن قولي فقط أي هيئة تفضل ان تحتوي على مكتبك ؟! متخافش مش هنسى .. آمين .. من اجل راحة الشعب طبعا ..

    **********************
    د. سامح :
    أهلا و مرحبا بسيادتك .. لاحظ انني لم أذكر أي واقع .. احنا مالنا ما احنا زي الفل ! طبعا إن شاء الله تضامن الجمهوريتين مع بعض و يكون في العديد من الإتفاقيات .. و التحالف ..
    خالص التحية و السلام يا دكتور ..

    أكتوبر 11, 2008 عند 2:06 م

  11. Ahmed magdy

    السلام عليكم
    تحيا جمهورية انتيكا دى جمهورية عظيمة دى حاجة تشرف
    النهارده يوم عظيم يوم ولا اى يوم يوم تاريخى لمصر ولكل المصريون
    شكرا على أجمل جمهورية
    و بارك الله فيك
    الاخ
    أحمد مجدى
    ممكن امسك وزير النقل والمواصلات ارجو الموافقة والفلوس والوسايط أموت فيها
    https://schritte.wordpress.com
    شكرا

    أكتوبر 23, 2008 عند 10:22 ص

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s